Kandidatja për presidente te SHBA Hillary Clinton ka ndërprere fushatën elektorale ne Kaliforni. Pas pamjeve te publikuara nje dite me pare kur ajo nuk u ndje mire gjate ceremonisë përkujtimore per viktimat e sulmeve terroriste te 11 shtatorit, stafi i saj njoftoi se ish sekretarja e Shtetit vuan nga pneumonia. Ajo po mjekohet me antibiotike dhe po e merr veten. Mjekja personale e Clinton tha se ajo kishte pasur kolle per shkak te nje alergjie dhe pas marrjes se mjekimit është këshilluar te pushoje. Ne kampin republikan nuk ka patur ende komente per gjendjen e Clinton, ndonëse me pare vete Trump u kishte thëne mbështetësve se ajo nuk kishte qëndrueshmëri fizike dhe mendore per te shërbyer si presidente. Nga skuadra e Clinton pati reagime se kundërshtaret po përhapin nje teori konspiracioni per gjendjen e saj shëndetësore. 68 vjecarja ne vitin 2012 kreu nje ndërhyrje kirurgjikale pas mpiksjes se gjakut ne koke dhe Trump ka vene shpesh ne pikëpyetje aftësitë e saj per te drejtuar vendin. Ndalesa dyditore e Clinton ne Kaliforni parashikonte mbledhje fondesh dhe nje fjalim per ekonominë. Pezullimi i fushatës vjen ne nje kohe kur gara mes saj dhe multimiliarderit Trump është ashpërsuar.
