Dalja e pare publike, qe pas pranimit humbjen e garës presidenciale ne SHBA, nuk ishte aspak e lehte per kandidaten demokrate, Hillary Clinton. Fjalimi i mbajtur ne nje mbrëmje bamirësie per fëmijët ishte i mbushur me emocione dhe tregoi se ajo ishte ende e shokuar nga disfata.
“E pranoj qe te vija këtu nuk ishte nje gje e lehte per mua. Ka patur plot dite qe e vetmja gje qe doja ishte te qëndroja ne shtëpi, te lexoja ndonjë liber dhe te mos dilja fare jashtë. Une e di se shume nga ju jane zhgënjyer nga rezultati i zgjedhjeve. Edhe unë po ashtu. E di qe kjo nuk është e lehte, e di qe javët e fundit shume njerëz kane pyetur veten: A është Amerika vendi qe ne mendonim se ishte?”
Clinton fitoi votën popullore, por jo votat e Kolegjit Elektoral. Ne fjalim ajo apeloi qe amerikanet te luftojnë per vlerat e tyre dhe te mos heqin dore. Presidenti i zgjedhur amerikan Donald Trump nuk ka vendosur ende se cilët emra do te emëroje ne postet kyçe te administratës, por është gati te takohet me udhëheqës botërore. Kryeministri japonez Shinzo Abe është lideri i pare i huaj qe do te takohet me te, qe pas fitores. Ne fokus te bisedimeve ne Nju Jork do te jene raportet mes dy vendeve dhe drejtimi qe do te marre politika e jashtme e aleatit me te madh te Japonise.
