Në prag të zgjedhjeve presidenciale të 8 nëntorit kandidatja demokrate Hillari Klinton ka deklaruar se deri në mbajtjen e votimeve do të injorojë akuzat e rivalit të saj, Donald Trump. Duke folur nga një tubim në Filadelfia, Klinton tha se do t’ia lëre në dorë qytetarëve amerikane, që të zgjedhin mes dy alternativave.
“Kam debatuar me të për orë të tëra dhe tashmë kam vendosur që të mos i përgjigjem më akuzave që ngre rivali im. Ai mund te thotë ç’të dojë. Unë dëshiroj t’ia lë qytetarëve amerikan për të vendosur rreth alternativës që ofron Donald Trump dhe asaj që ne ofrojmë.”
Ne kampin tjetër Donald Trump ka vijuar me akuzat, duke thënë se të gjitha dëshmitë e publikuara në media kanë qenë të orkestruara nga rivalja e tij. Ai shtoi se që këtej e tutje do të padisë të gjitha femrat që përbaltin figurën e tij. Ndërkoha ne një sondazh të fundit të BBC, Klinton vijon të mbetet ne avantazh me 4 pike me shume se Trump.
