Pak dite përpara përballjes se dyte ne New Hampshire, dy kandidatet demokrat per president te SHBA, Hillary Clinton dhe Bernie Sanders zhvilluan nje debat televiziv. Donacionet per fushatën ishin nje nga pikat ku u fokusua senatori i Vermontit, i cili sulmoi Clinton duke thene se ajo influencohej prej tyre.
Bernie Sanders: Jam krenar qe jam kandidati i vetëm ketu, qe nuk kam nje super organizate qe te grumbulloje shuma te medha parash nga Wall Street apo interesa te caktuara.
Por ish-sekretarja e Shtetit u kundërpërgjigj ashpër: Nuk mendoj se keto lloj sulmesh ia vlejnë, por mjaft me. Nese ke dicka per te thene thuaje menjëherë, por nuk do te rezultojë qe kam ndryshuar pikëpamjet apo voten time ndonjëherë per shkak te donacioneve qe kam marre.
Dy rivalet u përballen edhe per çështjet e kujdesit shëndetësor, apo te politikes se jashtme. Sander e sulmoi Clinton per voten ne senat ne mbështetje te pushtimit amerikan te Irakut, ndersa theksoi se ai kishte kundërshtuar kete lufte, qe coi ne rritjen e shtetit islamik. Kandidatet ndanë pikëpamje te ndryshme edhe per dënimin me vdekje. Clinton kerkoi nje ndëshkim te tille per nje numër te kufizuar krimesh, ndërsa senatori tha se shteti nuk duhet te behet pjese e vrasjeve. Ne pritje te përballjes se dyte, sondazhet i japin epërsi Sandersit në New Hampshire, shetin ne kufi me Vermontin, te cilin ai përfaqëson.
