Kryeministri grek Aleksis Cipras pas kërkesës së presidentit turk Rexhep Taip Erdoan për një shkëmbim të mundshëm të dy ushtarëve greke me 8 ushtarët turq të cilët kanë kërkuar azil në Greqi u shpreh se propozimi është i pavend.
Kjo situatë nuk është e mirë as për Turqinë as për Greqinë e as për rajonin. Deklaratat e presidentit turk për tu ulur në tryezën e bisedimeve dhe për marrëdhënie të paqta, janë të mirëpritura nga ana jonë, por duhet të ndiqen nga hapa të tjerë konkretë duke respektuar të drejtën ndërkombëtare dhe ftesat për shkëmbim të dy ushtarëve nuk kanë vend në këtë kuadër ligjor.
Cipras u ndal dhe te kriza ekonomike e Greqisë duke u shprehur se pas tetë vitesh populli grek tanimë është optimist për daljen nga kjo situatë.
Vendi është në fund të një procesi të dhimbshëm. Në katër muaj, qeveria jonë do të arrijë të përmbushë një nga objektivat më të rëndësishëm, fundin e programit të tretë, daljen përfundimtare , pas përpjekjeve të mëdha, negociatave të vështira dhe të dhimbshme përballë huadhënësit. Do të jetë një dalje e pastër, një integrim i qartë.
Sipas kryeministrit grek një horizont real për përfundimin e negociatave është takimi me euro-grupin më 21 qershor.
