Çiljeta e bën Albanin tatuazh!

Tatuazhet janë një trend mjaft i veçantë, por jo çdokush ka guximin ta bëjë një të tillë. Megjithatë, këtë s’mund ta themi për Çiljeta Xhilagën, e cila është e apasionuar pas tyre dhe ka disa në trupin e saj.

Por së fundmi këngëtarja ka bërë një tatuazh, të cilin ka dashur ta mbajë paksa sekret. Bëhet fjalë pikërisht për inicialin e partnerit të saj, Alban Hoxhës. Ajo ka vendosur që lidhjen e tyre ta kurorëzojë nëpërmjet një tatuazhi në gishtin e unazës.

Duke kontrolluar në Instagram-in e Çiljetës vëmë re se dikur ajo ka mbajtur një unazë, ndërsa sot ka bërë tatuazh një “A”, pikërisht në gishtin që supozohet se lidhet me zemrën. A të jetë vallë një A pa ndonjë kuptim? Këtë se besojmë, por na vjen mire që çifti janë përveç se të bukur dhe shumë të dashuruar me njëri-tjetrin.