Imagjinoni dy të rinj shqiptarë që në fillim të viteve 90 emigronin në Evropë me një valixhe të vogël, të blerë në Tiranë, e shumë ndryshe nga ato që panë nëpër botë. Në çdo udhëtim ata merrnin këtë valixhe, si shenjë të identitetit të tyre, si shqiptar. Në çdo rrugëtim, ajo valixhe hapej.
Dhjetë vite më vonë kjo valixhe që simbolizonte identitetin, lirinë e shtëpinë e tyre, u mendua të ishte transparente, për t’i treguar botës se ata janë shqiptarë, por s’kanë asgjë për të fshehur. Ky koncept në rrugët e Evropës e Amerikës filloi të dukej i çuditshëm, e pas ngjarjeve të 11 shtatori në New York, valixhja transparente u vesh me një tjetër koncept.
Kanë udhëtuar ngado dhe artistë nga e gjithë bota i janë bashkuar instilacionit të tyre.
Me prezantimin e tyre në Tiranë, Besniku dhe Flutura, që janë të parët shqiptarë që na kanë prezantuar në Bienalen e Venecias presin që edhe artistët shqiptarë ti bashkohen kësaj nisme.
