Arnold Schwarzenegger i bëri homazhet e tij Chuck Norris , duke i thënë lamtumirë legjendës së filmave aksion, duke e përshkruar atë si një idhull. Lajmi i trishtueshëm i vdekjes së aktorit në moshën 86 vjeç u njoftua të premten, më 20 mars, përmes një njoftimi nga familja e tij .
Menjëherë pas kësaj, Schwarzenegger me një postim në X, foli për marrëdhënien e tij me yllin e Holliwood. Siç shkroi ai: ” Chuck ishte një idhull. Jam mirënjohës që kam pasur mundësinë të punoj me të në shumë mënyra gjatë viteve, nga promovimi i sporteve deri te prania jonë e përbashkët në ekranin e madh. Ai ishte një djalë i mrekullueshëm, si në jetën reale ashtu edhe në Hollywood. Legjenda e tij do të jetojë përgjithmonë. Mendimet e mia janë me familjen e tij .”
Lexo edhe :
Chuck Norris ndërroi jetë mëngjesin e së enjtes, më 19 mars, vetëm një ditë pasi u dërgua me urgjencë në një spital në Hawaii. Familja e tij ka kërkuar të respektohet privatësia , duke thënë se aktori ishte mirënjohës për dashurinë që mori gjatë viteve, veçanërisht gjatë shtrimit në spital.
Deklarata e familjes thotë: “ Me zemër të thyer, familja jonë njofton ndarjen e papritur nga jeta të të dashurit tonë Chuck Norris këtë mëngjes. Ndërsa dëshirojmë t’i mbajmë rrethanat private, ju lutemi ta dini se ai ishte i rrethuar nga familja e tij dhe ndërroi jetë në paqe. Për botën, ai ishte një legjendë e arteve marciale, aktor dhe simbol i forcës. Për ne, ai ishte një bashkëshort i përkushtuar, një baba dhe gjysh i dashur, një vëlla i pabesueshëm dhe zemra e familjes sonë. Ai e jetoi jetën e tij me besim, qëllim dhe përkushtim të palëkundur ndaj njerëzve që i donte. Përmes punës, disiplinës dhe mirësisë së tij, ai frymëzoi miliona njerëz në mbarë botën dhe la një gjurmë të pashlyeshme në kaq shumë jetë. Edhe pse zemrat tona janë të thyera, ne jemi mirënjohës për jetën që ai jetoi dhe momentet e paharrueshme që ndamë me të. Dashuria dhe mbështetja e fansave të tij kishin shumë rëndësi për të, dhe familja jonë është mirënjohëse për këtë. Për të, ju nuk ishit vetëm fansa, ju ishit miqtë e tij. Faleminderit që e donit atë me ne. Me dashuri, Familja Norris.”
