Christian Panuçi u përzgjodh si trajnieri i ri i Kombëtares Shqiptare të Futbollit. Ai është një ndër njerëzit më të përfolur të mediave rozë në Itali për shkak të historive të shumta dashurore.

 

 

Panuçi ka luajtur për Interin, Romën, Milanin, Realin e Madridit, madje dhe për Chelseat në Angli. Njihet për temperamentin e tij dhe marrdhëniet me gjininë tjetër.

 

 

Në këto momente ai është i fejuar me kërcimtaren e njohur italiane Samanta Togni, të cilën e ka njohur vitin e kaluar ndërsa performonin në spektaklin “Ballando con le stelle” në Itali. Pavarësisht disa krizave në çift ata vazhdojnë të jenë sërish bashkë.

 

 

Por, trajnieri i ri i kombëtares sonë ka kaluar disa histori dashurie në jetën e tij, të cilat po i tregojmë më poshtë:

 

 

 

Isabelle Panuçi

Në fillim është martuar me aktoren e famshme Isabelle Panuçi, të cilët kanë edhe një djalë. Ata qëndruan bashkë për 7 vjet ndërkohë që për marrdhënien e tyre ajo është shprehur për Vanity Fair. “E doja shumë dhe për të i lashë të gjitha. Aktrimin, familjen, miqtë. E kam ndjekur nga Milano në Madrid dhe Londër e Monaco, e më pas në Romë. Por në fund u ndamë. Ai dilte shumë dhe më ka kthyer në dedektive. Në fillim zënkat nisën sepse nuk donte që unë të dilja në televizion. Pastaj pas ndarjes filloi të shoqërohej me një vajzë, Rosaria Cannavo”,- ka thënë ajo.

 

 

 

 

 

 

Raffaella Berge

Ai është fotografuar disa herë me aktoren italiane Raffaella Berge në disa momente intime. Por lidhja e tyre është mbajtur gjithmonë e fshehtë pa u konfirmuar nga asnjëra palë.

 

 

 

 

 

 

Rosaria Cannavò

Pas thashethemeve për Raffaella Berge ai u lidh me Rosaria Canavo. Lidhja e tyre përfundoi në vitin 2010. I pyetur nga mediat Panuçi tha se shkaku i ndarjes ishte sepse ajo nuk donte fëmijë.

 

 

 

 

 

Agnese Junkure

Panuçi ishte vitin e kaluar pjesëmarrës në spektaklin “Ballando con le stelle” në Itali  ku arriti të renditej ndër gjashtë finalistët. Ai u fotografua duke drekuar shumë afër më partneren e tij të kërcimit, Agnese Junkure me të cilën u fol se kishin një lidhje të shkurtër. Ajo ishte dhe shkaku i krizës së lidhjes me të fejuarën aktuale.

 

 

 

 

 

 

Samanta Togni

Balerina profesioniste Samanta Togini, ka marrë pjesë në një sërë eventesh botërore të kërcimit. 36-vjeçarja ka jetuar mes Italisë, Britanisë së Madhe dhe SHBA-ve në ndjekje të karrierës së saj. Në vitin 2015 u zhvendos përfundimisht në Romë ndërsa në 2016 fitoi edicionin  e 11-të të “Ballando con le stelle”. Aty ka qenë konkurent edhe Christian Panuçi. Marrdhënia e tyre ka pasur ulje e ngritje por mesa duket dashuria e tyre është e fortë dhe ka arritur të rezistojë.

Leave a Reply

Your email address will not be published. Required fields are marked *