Chriss Brown, provokon Rihannën
Rihanna ka postuar përgjatë gjithë ditës së djeshme, fragmente nga parada e Kadomenit, traditë kjo në Barbados. Këngëtarja e hitit ‘Wild Thoughts’ shfaqet me kostumin e karnavaleve. Mesa duket kjo pamje, ka zgjuar ish të dashurin e saj Chris Brown. Ky i fundit, vendosi një emoji, ikonë të dy syve në një nga fotot e Rihannës.
Nuk e dimë sesi Rihanna ka reaguar nga ky koment, por fansat u tërbuan. Të shumtë ishin ata që i kërkonin Chris, të rrinte larg saj e t’i hidhte sytë diku tjetër.
“Tani je bërë akoma më shumë i neveritshëm. Largohu prej saj. Ti e humbe atë,”shkruajnë ata.
Chris Brown dhe Rihanna ishin çifti më i përfolur në vitin 2009, derisa Chris dhunoi këngëtaren. Rihanna mori urdhër mbrotje ndaj tij si dhe u shtrua në spital për shkak të dhunës së ushtruar nga ai.
