Lëvizjet e lojtarëve në tregun europian gjatë kësaj merkato dimërore sa vijnë e po intensifikohen më shumë. Chelsea ka nisur një oferte drejt romes për të marrë dy lojtarë me një goditje të vetme. Bëhet fjalë për sulmuesin Edin Xhekon dhe mbrojtësin Emerson, për të cilët blutë e Londrës ofrojnë 50 milion euro. Mediat italiane bëjnë të ditur se lojtari boshnjak e ka gjetur ndërkohe akordin me klubin anglez por duhet që tani Chelsea dhe Roma të gjejnë gjuhen e përbashkët mbi shumën që do të fitoje ekipi italian nga kjo lëvizje. Conte e pëlqen shumë bomberin i cili në të kaluarën ka patur një eksperience pozitive në Premier League edhe me Manchester City. Nëse vendos të marrë avionin për në Londër, me siguri do të jetë në krah të Emerson Palmierit, braziliani me pasaporte italiane i cili për të cilin ka një marrëveshje paraprake mes palëve. Pengesa e vetme është presioni që po i bën Roma, Chelsit për shumën që kërkon për dy lojtarët, 65 milion euro nga 50 që ofron Chelsea. Diferencat janë gjithsesi të vogla.
Ndërkohe duke qëndruar në Itali, duhet thënë se Inter është shumë aktiv në orët e fundit. Pasi gjeten akordin me Barcelonën për marrjen ne huazim me te drejte blerje për 38 mln euro të talentit Rafinja, tani zikaltrit duan te rikthejnë në ekip edhe Mateo Kovacic i cili tek reali vazhdon të mos gjeje hapësira. Dy emra të tjerë për të cilët negociohet janë edhe braziliani Ramirez si dhe anglezi Sturridge.
Juventus nga ana tjetër kërkon një zëvendësues për Lihtshtainer në krahun e djathtë të mbrojtjes dhe emri i fundit që po lakohet është mbrojtësi kolumbian Sabtiago Arias i cili luan me Psv.
