Shëndetësia është sektori ku opozita ka bere denoncimet e saj me te mëdha. Edhe pas vizitës se kryeministrit ne qendrën shëndetësore nr 10, lideri i opozitës Lulzim Basha, ka lëshuar akuza te ashpra ndaj koncesionit te Check Up-it. Ne rrjetin social Facebook, Basha ka publikuar dokumente qe sipas tij, faktojnë se analizat, nuk bëhen fare ose bëhen, sa për te kaluar radhën. Sipas fletës se analizave, te publikuar nga lideri i opozitës, nje qytetare rezulton me vlerën e proteinës 25 qe do te thotë se ajo ndodhet ne gjendje te rende shëndetësore, kur ne fakt zonja gëzon shëndet te shkëlqyer. Nje tjetër rast i publikuar nga Basha është i nje zonje qe Check Up e nxjerr me diabet, por analizat e bëra nga nje institucion privat e nxjerrin ne gjendje te mire shëndetësore. Bazuar edhe mbi dokumente, Basha thekson se “Të vetmit përfitues nga “reforma në shëndetësi”, janë Edi Rama, Ilir Beqaj, Vilma, emigranti i Peruxhias me një punëtor, dhe një dorë tjetër oligarkësh dhe klientësh që po fusin në xhep paratë e shqiptarëve.”
“Check up-i një dështim”
