Champions, sot supersfida e sheikëve

Takimet e para çerekfinale te Uefa Champions League përfundojnë sonte ne platformën Tring dhe Vizion Plus me përballjet Paris Sg – Manchester City dhe Wolfsburg – Real i Madridit. Me interesim te madh pritet ne Park De Princ beteja mes dy skuadrave te sheikëve, edhe pse nuk janë ne lartësinë e emrave potente te Europes, si Barcelona dhe Bajern. Francezet ne historinë e tyre kane arritur vetëm nje here ne gjysmëfinale ne vitin 1955, ne te kundërt City ka arritur majën ketë sezon, duke u renditur mes 8 me te mirave te europes. Te zotet e shtëpisë, ashtu si dhe ndaj Celseat do te mbështeten te Ibrahimovic, i ndihmuar nga Di Maria dhe Cavani. Ndërkohe mungesa te rëndësishme ne formacionin anglez pa Sterling dhe Company dhe ne dyshim portieri Hart. Një lajm i mire rikthehet talenti belg, De Brojne. Me një moral te larte vjen ne takimin e Volsburgut, Reali i Zinedin Zidan pas fitores me përmbysje ne fundjave ne El Clasico ndaj Barcelonës, me nje lojtar me pak. Me dëshirën per ta mbyllur kualifikimin qe ne Gjermani, tekniku francez pritet te hedhe ne fushe formacionin me te mire me treshen përpara ne sulm Bale – Benzema – Ronaldo. Ne kampin kundërshtar, trajneri Diter Hecking do te bazohet te talentet e tij Draxler – Schurrle dhe objektivi me minimal i Wolsburg është te mbaje kualifikimin te hapur, deri te ndeshja e kthimit pas nje jave ne Santiago Bernabeu.