Përplasje italo-spanjolle dhe një derbi anglez. Ishte ky shorti qe rezervuan goglat te hedhura nga Federata Evropiane e Futbollit ne Nion te Zvicrës, për çerekfinalet e Uefa Champions League. Gjithçka behet me drithëruese kur qe ne ketë tur, shorti përsërit finalen e vitit te kaluar ne Kardif te Uellsit e vendosur nga duart e ambasadorit te finales se Kievit, Andri Shevcenko. I pamëshirshëm fati per Juventus qe do te sfidojnë përsëri kampionet ne fuqi te Realit te Madridit.
Ndoshta kete here zonja e vjetër mund te buzëqesh, duke pare se skuadra e Zinedin Zidan nuk është ajo vitit te kaluar edhe pse nje tur me pare eliminoi Paris SG. Bilanci i perballjeve është i barabarte per dy skuadrat ku ne 8 takime secila ka fituar nga 4. Interesant është fakti se përpara finales se Kardifit, ne tre raste 2003, 2005 e 2015 Juventus ka kaluar ne gjysmëfinale. Por edhe nje tjetër skuadër italiane nuk ka pasur shume fat nga shorti. Romen se Di Franceskos goglat e vendosen përballe Barcelonës se Lionel Mesit. Roma është përballur me katalanasit ne te paktën katër raste, gjithmonë ne fazen e grupeve dhe vetëm nje here ka fituar me rezultatin 3-0 ne Olimpiko ne vitin 2002.
Nje perballje qe pritet te dhuroje shume emocione dhe spektakël është derbi anglez mes dy skuadrave me ne forme ne ishull, por edhe Champions League, Liverpul kundër Manchester City-it. Ne historinë e perballjeve ne te gjitha kompeticionet Liverpul ka nje avantazh te madh ndaj qytetareve. Gjithsesi citizens tashme udhëhiqen nga arkitekti Guardiola dhe kete sezon jane jo vetëm prane titullit kampion ne ishull, por ka shfaqur qarte ambiciet per trofeun me te rendesishem te planetit. Ketë sezon jane përballur dy here, ne fazën e pare fitonte 5-0 City, ndërsa te kuqte e Jurgen Klop kundërpërgjigjeshin me nje rezultat 4-3 ne Anfild, duke i shkaktuar skuadrës se Guardioles te vetmen humbje ne ishull.
Ndërkohe Bajerni i Mynihut te paktën ne leter i ka buzëqeshur fati teksa sfidon Sevilla. Gjithsesi andaluzet arritën nje kualifikim historik pas 60 vjetësh ne çerekfinale kur eliminuan Manchester United. Takimet e para do te zhvillohen ne datat 3 dhe 4 prill, ndërsa ato te kthimit nje jave me pas dhe do te transmetohen drejtpërdrejt dhe ekskluzivisht ne platformën Tring dhe Vizion Plus.
