Porto, Monako, Ludogorec, Selltik dhe Legia e Varshaves janë 5 skuadrat qe prenë biletat për ne fazën e grupeve te Uefa Champions League. Ne supersfiden e mbrëmjes ne Olimpiko, Roma e Luciano Spaletit arriti jashtë çdo parashikimi nje rezultat shokues ne ndeshjen e kthimit te play-off-it 0-3 nga Porto, duke u përshëndetur nga turneu prestigjioz. Italianeve u mjaftonte nje barazim pa gola për kualifikimin, por u shokuan qe ne minutën e 8-te kur Monteiro kaloi ne avantazh “dragonjtë”. Situata u be akoma me e vështirë per te zotet e shtëpisë kur kapiteni De Rosi la skuadrën me nje lojtar me pak pas daljes me te kuqe. Me fillimin e pjesës se dyte edhe Emerson u ndëshkua me karton te kuq, duke lene me 9 lojtare Romen ne nje mbrëmje makthi. Qe nga ky moment, nuk kishte me histori, ndërsa radha u erdhi meksikaneve te Portos te bëheshin protagonist ne këtë mbrëmje. Ne minutën e 73, Lajun shfrytëzoi nje dalje te gabuar te Sheznit, ndërsa dy minuta me vone, Toron sigloi shifrat 3-0. Ne Luigji i Dyte, Monako fitoi edhe ndeshjen e kthimit kundër Villareal, kete here me rezultatin 1-0. Goli i vetëm i takimit u shënua ne minutën e 91 nga braziliani Fabinjo. Selltik vuajti mjaft ndaj Hapoel Beer Sheva përpara se te arrinte kualifikimin. Skocezet u munden 2-0, por vazhduan me tej fale shifrave 5-2 ne sfidën e pare. Izraelitet humben një penallti qe ne minutën e 15, përpara se te shënonin dy here me Sahar dhe Hoban. Veshtiresi per kualifikimin arriti edhe Legia e Besnik Hasit kundër Dundalk edhe pse kishte fituar ne ndeshjen e pare 2-0. Ishin irlandezet qe befasuan kur ne minutën e 19 Benson me nje gjuajtje fantastike dërgoi topin ne rrjete. Polaket i vështirësuan mjaft gjerat kur Hlusek doli nga fusha e lojës ne minutën e 67. Gjithsesi ne minutën e 2 te shtesës, Kucharzyk qetësoi tifozët e pranishëm ne stadium, duke barazuar shifrat. Ne takimin e fundit Viktoria Pisen barazoi 2-2 me Lodogorec. Çeket zhbllokuan rezultatin ne minutën e 7 me Duris, por Vura barazoi shifrat për bullgaret 10 minuta me vone. Te zotet e shtëpisë gjeten përsëri avantazhin ne minutën e 64 me Mateju, por atëherë kur gjithçka kishte përfunduar, bullgaret shënuan përsëri kete radhe Kesheru.
Champions, Roma shpartallohet në shtëpi nga Porto
