Reali shpartalloi Atletikon ne derbin madrilen ne gjysmëfinalen e pare te Uefa Champions League, duke hedhur nje hap te rëndësishëm drejt finales se Kardifit.
3-0 ne “Santiago Bernebeu” ne sfidën e transmetuar ne platformën Tring, me protagonist te vetëm te mbrëmjes Kristiano Ronaldo, autor i tre golave. Per portugezin rekord absolut ne Champions me 103 golat e shënuar, 400 me fanellën e Realit. Një ndeshje qe do te etiketohej si brilante, te zotet e shtëpisë qe ne minutat e pare zot te fushës, duke u shfaqur rrezikshëm drejt portës kundërshtare.
Pas rasteve te Benzema dhe Casemiro, ishte Kristiano Ronaldo qe zhbllokoi shifrat ne minutën e 10 te takimit. Nen një presion asfiksues, Atletiko rrezikoi gjate pjesës se pare te pësonte edhe gola te tjerë ne rastet e Varane Modric e Benzema dhe mbi te gjitha asnjëherë nuk arriti te dilte ne lojën e saj. I vetmi shans për skuadrën e Simeones ishte ai i Gameiro ne minutën e 17, por pa arritur te mposhte portierin Navas.
Pas 15 minutave te pjese se dyte, vendasit ndryshuan përsëri ritmin e lojës, duke arritur te mbyllnin jo vetëm takimin, por me te gjitha gjasat edhe biletën per ne finale. Ne minutën e 73 pas nje pasimi te Benzema, Kristiano Ronaldo me nje gjuajtje fantastike dyfishoi shifrat. 4 minuta nga fundi përsëri portugezi shënoi golin e trete duke sigluar shifrat përfundimtare 3-0.
Per argjentinasin Simeone viti i katërt radhazi qe nuk arrin te thyeje tersin, javën e ardhshme ne “Vicente Calderon” duhet nje mrekulli per përmbysjen e madhe.
