Champions, Paris SG mund Chelsea

Paris SG fitoi betejën e pare me Chelsen ne takimin e vlefshëm per raundin e 1/8 te Uefa Champions League. Ne “Park De Princ” parisienët fituan 2-1 fale një goli te Cavani 12 minuta nga fundi, nje fitore qe ne fakt le gjithçka te hapur per kualifikimin. Ne nje sezon ku tashme objektivi kryesor eshte fitimi i Champions League, parisienët e nisen mjaft mire takimin duke sulmuar vazhdimisht portën kundërshtare. Ndërkohe blutë te rreshtuar mire dhe strikt te pozicioneve te tyre arritën t’u bënin balle vendasve dhe pse jo edhe te kundërsulmonin rrezikshëm. Pas rastit flagrant te Diego Kostes përballe portierit qe e çoi topin drejt traversës, te zotet e shtëpisë gjeten golin me Ibrahimoviç ne minutën e 39. Ne nje goditje dënimi topi u devijua nga Obi Mikel duke surrpizuar portierin Kurtua. Por ne minutën e 46 ishte vete nigeriani, i cili ktheu gjithçka ne baraspeshe. Edhe ne pjesën e dyte, pavarësisht se dominimi ishte i skuadrës se Lorent Blank, rasti i pare serioz erdhi nga Chelsea me Diego Kosta. Pas kalimit te frikës se pësimit te golit, ne fushe pati vetëm nje refren te parisienëve me portierin kundërshtar, protagonist i mbrëmjes me rastet e shpëtuara. Gjithsesi belgu, nuk mundi ne minutën e 78 te bllokonte El Matador Kavani i cili pas një pasimi te Di Maria kaloi përsëri ne avantazh skuadrën e tij. Pas 16 ditësh ne “Stamford Brixh”, do te luhet akti i dyte me Chelsean qe ka avantazhin e publikut te tyre te zjarrte dhe golit ne fushën kundërshtare. Ndërkohe ne takimin tjeter, Zeniti i Vilas Boas u surprizua ne fund teksa u mund ne minutat shtese nga Benfika vendase. Ne Da Luz, goli i vetem i takimit u shënua ne minutën e 91 nga brazliani Jonas.