Uefa Champions League ka njohur tre skuadrat e para që shkojnë në fazën e grupeve përmes fazës play-off, Benfica, Malmo dhe Young Boys.
Në ndeshjet e kthimit të së martës në mbrëmje nuk ka pasur asnjë përmbysje në raport me rezultatet e takimeve të para. Benfica mbrojtësi fitoren 2 me 1 në arrestur në shtëpi kundër PSV, dhe ia doli që në Holande të mbajë një barazim pa gola që i vlejti për kualifikimin.
Luzitanët madje luajtën për shumë minuta me 10 lojtarë pasi që në pjesën e parë në minutën e 32 Verisisimo u ndëshkua me të kuq. PSV i pati rastet për ta çuar të paktën ndeshjen në shtese mirëpo Madueke, Zahavi dhe Vertesen nuk arritën të shënonin.
Asnjë mrekulli edhe për Ferencvaros të Myrto Uzunit. Hungarezët u mundën 3 me 2 në fushën e tyre nga Young Boys, po aq sa ishin, mposhtur edhe në ndeshjen e parë në Zvicër. Për një pjesë loje të zotët e shtëpisë ëndërruan arritjen e jashtëzakonshme të sezonit të kaluar pasi e mbyllën fraksionin e parë 2 me 1.
Ndonëse kishin pësuar golin e Young Boys që në fillim me Zesiger, Ferencvaros barazoi fillimisht me Uingo. Më tej një asist i Myrto Uzunit për Mae, bëri që ky i fundit të përmbysë shifrat. Mirëpo hungarezët u dorëzuan në pjesën e dytë kur që në start barazoi Fasnakt për miqtë. Më tej kartoni i kuq i Lajdunuit zvogëloi shumë shpresat e vendasve për ta çuar ndeshjen në shtesë, derisa në minutën e 93 ekipi,vendas mori goditjen finale me Young Boys që shënoi golin e tretë me anë të Mambimbit.
Sukses i madh edhe për Malmo. Suedezët u rikthyen në fazën e grupeve të Champions League pas 5 sezonesh pasi eliminuan Ludogorets. Bullgarët fituan 2 me 1 ndeshjen në shtëpi, mirëpo Malmo kishte fituar takimin e parë në fushën e vet 2 me 0. Nedialkov shënoi shpejt për vendasit mirëpo miqtë barazuan në fund të pjesës së parë me anë të Birmancevic.
Ludogorets iu rikthye avantazhit me një penallti të saktë të Sotiriut në minutën e 60, por 30 minuta në vazhdim nuk mjaftuan që bullgarët të shënonin një tjetër gol për ta çuar të paktën ndeshjen në shtese.
Të treja sfidat u transmetuan ekskluzivi sht vetëm në platformën Tring.
