Dominim total nga Barcelona dhe “Mesi Show” ne te ashtuquajturën finalja e parakohshme ne javën e trete te fazës ne grupe te Uefa Champions League. Ne “Kamp Nou” katalanasit shpartalluan skuadrën e Pep Guardioles Manchester City 4-0 duke mbajtur vendin e pare me pike te plota 9 ne Grupin C. Lionel Mesi, autor i tre golave përpara se Neymar te vuloste rezultatin përfundimtar. Me pare braziliani kishte humbur edhe nje penallti. Ne sfidën tjeter fitore e rëndësishme per Borusia Monchengladbah ne Skoci 2-0 me Selltik fale dy golave Stindl dhe Han ne pjesën e dyte. Bajerni i Mynihut iu rikthye fitoreve teksa shpartalloi PSV Eindhoven 4-1. Ne shenje Myler, Kimich, Levandovski dhe Roben teksa golin e vetëm per holandezet e realizoi Narsing. Por ne vend te pare ne Grupin D mbetet Atletiko e Madridit tashme ne kuotën e 9 pikëve qe arriti fitoren e trete radhazi ne Rostov 1-0 me gol te Ferreira Karasko. Fitorja me e thelle u arrit ne “Emirates Stadium” ku topçinjtë e Arsenal shkatërruan Ludogorec 6-0. Golat per londinezet mbajtën firmat e Aleksis Sanchez, Uollkot, Oxlade Chamberlein, por njeriu i mbrëmjes u cilësua Mesut Ozil, autor i tre golave. Skuadra e Venger ne vend te pare ne kuotën e 7 pikëve po aq sa Paris SG qe nga e tij mundi 3-0 Bazelin e Taulant Xhakes me gola te Di Maria, Lucas Mura dhe Kavani. Rezultati me surprize i javës se trete erdhi nga San Paolo ku Napoli u mund nga Beshiktash 2-3. Italianet qe kërkonin fitoren e trete radhazi e panë vete dy here ne disavantazh ne pjesën e pare. Insinje me fillimin e te dytës kishte mundësinë e barazimit, por dështoi nga pika e bardhe. Gjithsesi ne nje tjetër penallti ne minutën e 69 Gabiadini ktheu gjithçka ne baraspeshe. Por katër minuta nga fundi ishte Vincent Abubakar, i cili realizoi golin e trete duke i dhënë fitoren skuadres se tij. Fitore edhe per nje tjetër skuadër udhëtuese Benfiken qe mundi ne “Olimpisti” te Kievit Dinamon 2-0. Portugezet shënuan nga nje gol per çdo pjese me Salvio dhe Franko Cervi. Keto takime te apasionuarit e turneut prestigjioz patën mundësi t’i ndiqnin drejtpërdrejt dhe ekskluzivisht ne platformën Tring dhe Vizion Plus.
Champions, Messi gjunjëzon Manchester City
