Emocionet e Uefa Champions League janë rikthyer sërish mbrëmjen e kaluar me ndeshjet e para të fazës Play Off.
Tre takimet e kompeticionit më të bukur futbollistik janë trasmetuar në platformën Tring.
Dueli mes Monakos dhe Shaktar Donjeck i luajtur në Francë ka përfunduar me fitoren e Ukrainasve, të cilët kanë kaluar në avantazh në minutën e 19’ me anë të brazilianit Pedrinho. Pavarësisht tentativave nga ana e francezëve, rezultati ka mbetur i pa ndryshuar deri në fund.
Në ndeshjen tjetër, Dinamo e Zagrebit është mundur 3 me 0 nga moldavët e Sherif Tirasporit, ballkanasit janë befasuar nga skuadra vendase. Kroatët edhe pse vinin si pretendent në këtë takim, janë shkërrmoqur në Moldavi duke bërë një paraqitje të turpshme dhe shumë larg pritshmërive.
Kroatët në 6 ndeshje kundër moldavëve kishin fituar 4 dhe barazuar vetëm 2, por duket se statistikat nuk e kanë ndihmuar këtë herë skuadrën dalmate.Golat për Sherif u shënuan në fundin e pjesës së parë dhe dy në pjese e dytë.
Ndërkohë, austriakët e Salsburg nuk kanë zhgënjyer përballë danezëve të Brondbi. Këta të fundit befasuan në fillimin e takimit kur vetëm pas 3 minutash loje kaluan në avantazh, me ane të Uhre, por pas golit i gjithë takimi u dominua nga Salzburgu që në pjesën e dytë tregoi gjithë potencialin duke shënuar 2 herë dhe përmbysur ndeshjen.
Goli i parë për austriakët u shënua nga Kerim Adeyemi në minutën e 56’ dhe në fund vulosi Aronson në minutat shtesë.
