Finale e parakohshme ne Kamp Nou. Java e trete e fazës ne grupe te Uefa Champions League rezervon përplasjen me dy skuadrave qe tashme kane nje filozofi te njëjte, ose Guardiola kundër te kaluarës se tij, atje ku mori famën, ndërsa u mbulua nga trofetë e panumërta,14 ne 4 vejte. Barcelona sfidon Manchester City ne grupin C ne ate qe eshte cilësuar jo vetëm nje ndeshje e madhe, por edhe nje sfide mes dy trajnerëve Pep Guardiola dhe Luis Enrike. Qe me ardhjen e teknikut te ri te ashtuquajturit citizens kane ndryshuar mjaft ne loje, ndërsa Guardiola ka nje impakt te frikshëm tek lojtaret e tij. Tashme arma e tyre me e rëndësishme është kontrolli i topit, ndërsa ne sulm mund te te godasin ne cdo moment pasi janë mjaft te rrezikshëm. Te dy skuadrat nuk kane probleme demtimisht si te anglezet me rikthimet e Kevin De Brojne dhe Vincent Kompani, ashtu dhe te katalanasit me rikuperimin e Jordi Alba dhe Serxhi Roberto. Per nje te apasionuar pas futbollit nuk mund te ketë ndeshje me te bukur e cila do te transmetohet drejtpërdrejt dhe ekskluzivisht ne Tring, per skuadrën e Guardioles nje test i mire përballe nje prej skuadrave me te mira ne bote. Ne takimin tjetër te ketij grupi, Selltik ndeshet me Borusia Monchengladbah. Ndërkohe ne Vizion Plus tifozët e Bajern do te kene mundësinë te shikojnë skuadrën e tyre te zemrës kundër Psv Eindhoven ndeshje e vlefshme per grupin D. Skuadra e Ancelotit kërkon t’u rikthehet fitoreve, pas humbjes me Atletikon, ndërsa mban vendin e dyte ne grup, me dy pike me shume se holandezet. Per bavarezet nuk do te luaj Riberi i dëmtuar, ndersa ne kampin kundërshtar mungojnë Hendrix dhe Lokadia. Sfida e tjetër e grupit D është ajo mes Rostov dhe kryesuesve te Atletikos. Ne takimet e tjera ne grupin A, Arsenal pret Ludogorec, ndërsa Paris Sg sfidon Bazel. Ne grupin B, Napoli kërkon fitoren e trete radhazi kete here kundër Beshiktash, ndërsa Dinamo e Kievit mat forcat me Benfiken.
