Ashtu siç është bërë traditë tashmë në vitet e fundit, Uefa ka parashikuar edhe një ceremoni 15 minutëshe para nisjes së finales së madhe të Champions League. Vitin e kaluar Kievi u ndriçua nga paraqitja brilante e këngëtares shqiptare Dua Lipa.

 

Edhe këtë here ceremonia do të nis në orën 20 e 30 kur në fushën blertë të “Uanda Metropolitanos” do të zbresë me kupën me prestigjiozë të klubeve ne Europe, Luis Garsia.

 

Ai ka qenë pjesë në disa sezone e dy klubeve, Atletiko Madrid, klub të cilit i përket stadiumi ku do të luhet finalja, si dhe Liverpool me të cilin është shpallur kampion Europe ne 2005.

 

Më pas e gjithë skena do të rrëmbehet nga i ftuari i mbrëmjes. Grupi “Imagine Dragons” do të performojë disa minuta hitet e veta më të famshme si ‘Believer’, ‘Radioactive’ e ‘Thunder’, me të cilat banda e njohur e muzikes fitoi vitin e kaluar edhe Grammy Award 2018.

 

Ceremonia do të transmetohet në mbi 200 televizione të mbarë botës, përfshirë edhe Vizion Plus dhe Tring në Shqipëri.

 

Më pas emocionet do ti shkojnë futbollit të luajtur për të mbajtur të mbërthyer para ekranit qindra miliona njerëz në mbarë botën.

 

 

Leave a Reply

Your email address will not be published. Required fields are marked *