Reali i Madridit dhe Wolsburg janë dy skuadrat e para qe u kualifikuan per ne çerekfinalet e Uefa Champions League. Edhe ne takimin e dyte ne Santiago Bernabeu, te vlefshme per raundin e 1/8-ve , skuadra e Zinedin Zidan fitoi me te njëjtin rezultat ndaj Romes 2-0. Asnjë surprize nga ana e italianeve, te cilët ne fakt patën te paktën 5 raste, nga te cilat tre flagrante përpara portës me Xheko dhe Salah, por pa arritur te gjenin rrjetën. Pas nje pjese te pare pa gola, madrilenet zhbllokuan shifrat ne minutën e 64 me Kristiano Ronaldo pas nje krosimi te Lucas Vazqez. 4 minuta me vone, Hames Rodriguez mbylli gjithçka ne favor te vendasve, duke shënuar edhe golin e dyte. Për Real kjo është hera e 6 radhazi qe prek çerekfinalet e turneut prestigjioz, ndërsa madrilenet mbeten skuadra e vetme qe nuk kane pësuar gol ne shtëpi per kete sezon ne Champions League. Kualifikim historik per ujqerit e Wolsburg, ndërsa qëndruan te pamposhtur ne kështjellën e tyre ne fitoren e katërt radhazi per ketë sezon, ketë here 1-0 ndaj Gent. Ne një ndeshje te luajtur me mjaft zgjuarsi vendasit mbajtën nen kontroll kundërshtarin, duke goditur me pas ne momentin e duhur. Goli i vetëm i takimit erdhi ne minutën e 74 nga Shurrle, pas disa rasteve te humbura me pare, i cili arriti te kuptonte filozofinë e njeriut te ndeshjes Julian Draxler ne krosimin perfekt nga e djathta. Këto takime te apasionuarit e turneut prestigjioz patën mundësi t’i ndiqnin drejtpërdrejt dhe ekskluzivisht ne platformën Tring HD.
