Champions, Atletico shënon dhe bëhet ‘mur’ ndaj Bayern

Atletiko e Madridit ishte fituesi takimit te pare te vlefshme per gjysmëfinalet e Uefa Champions League ndaj Bajernit te Mynihut. Ne “Vicente Kalderon” vendasit fituan me rezultatin 1-0, por mbi te gjitha “cholizmi” filozofia e Simeones përballe “tika-takes” se Guardioles, pasioni kundër arsyes, mbrojtja dhe kundërsulmi kundër kontrollit te topit dhe thirrjes per te sulmuar. Pas nje presioni asfiksues me gjermanet qe nuk arrinin te arsyetonin per te dale përpara, vendasit gjeten rrugën e rrjetës ne minutën e 11 te takimit. Ne nje driblim Alla Mesi, Saul Nuguez arriti te markonte tre futbolliste dhe me pas me te majtën çoi topin aty ku nojer e kishte te pamundur per te ndërhyre. Pas golit, ndeshja u fut pikërisht ne binaret e preferuar te madrileneve, te cilët prisnin bavarezet per t’i surprizuar me pas ne sulme te shpejta. Por ne pjesën e dyte gjithçka ndryshoi me Bajernin qe filloi te shtyje me force te madhe. Ne 15 minutat e para të kësaj pjese djemtë e Simeones, nuk kaluan gjysmën e fushës, ndërsa fati i mohoi golin gjermaneve si ne traversen e Alabas ashtu dhe tentaiven e Vidal. Pas gati 30 minutash loje ne kundërsulmin e pare madrilenet mund te kishin mbyllur takimin por gjuajtja e Fernando Torres përfundoi ne shtyllën e djathte te portës se mbrojtur nga Nojer. Ne kerkim te barazimit te shifrave bavarezet vazhdimisht ne sulm duke provuar gjithçka, por pa arritur te rrezonin murin kundërshtar. Përfundimisht 1-0 për vendasit dhe nje shuplake per Guardiolen për ndoshta vendimet e tij te nxituara me lënien ne stol te Myller dhe Riberi.