Napoli, Sevilla, Olimpiakos, Celltik dhe Maribor jane 5 skuadrat e para qe prene biletat per ne fazën e grupeve te Uefa Champions League. Napoli arriti nje tjetër rezultat 2-0 ashtu si nje jave me pare kete here ne takimin e kthimit te play off ne Alianc Rivera kundër Nises.
Vendasit edhe pse me Shnaider dhe Baloteli qe nga minuta e pare ishin te pafuqishëm per te ushtruar presion ndaj italianeve. Ne te kundërt, skuadra e teknikut Sari dominuan takimin duke krijuar shume raste edhe pse pjesa e pare u mbyll me rrjeta te paprekura. Gjithsesi me fillimin e pjesës se dyte, pas nje kundërsulmi te shpejte, Hamshik dhuroi nje top per te Cajellon, i cili mposhti portierin kundërshtar.
Goli i nokautit qe mbylli praktikisht takimin edhe pse siglat përfundimtar u vulosen nje minute nga fundi me autor Insinje. Fitore me zemër per Olimpiakos te Besnik Hasi qe arriti nje tjetër fitore kete here 1-0 ne Rijeka. Goli i vetëm u shënua ne minutën e 25 nga gjermani Marko Marin.
Drithërima ne Ramon Sancez, 2-2 mes Seviljas dhe Bashakshehir me andaluzit qe vazhduan me tej aventurën Champions, pas fitores 2-1 ne takimin e pare. Turqit surprizuan jo pak kur e mbyllen pjesën e pare ne avantazh me golin e Elias ne minutën e 17. Por ne minutat e para te pjesës se dyte spanjollet jo vetem barazuan me Eskuderon, por edhe kaluan per here te pare ne avantazh me Ben Jeder ne minutën e 75.
Gjithsesi ky rezultat zgjati vetëm 8 minuta kur Vishka barazoi rezultatin. Ne fund mjaft ankth per vendasit te cilët edhe mund te mos ishin kualifikuar nëse gjuajtja e Emre Belezoglu nuk do te kishte prekur shtyllën. Fitore minimale per Maribor 1-0 kundër Hapoel Beer Sheva, por e mjaftueshme per kualifikimin.
Rezultati me i thelle u arrit ne Kazakistan 4-3 mes Astana dhe Celltik me kampionet e Skocise qe vazhdojnë ne fazën tjeter. Kazaket gjeten rrjetën ne pjesën e pare me Shomko, por u barazuan shpejt nga Sinkler. Ne pjesën e dyte vendasit arritën te çojnë rezultatin ne 4-1 pas golave te Muzhikov dhe dopietes se Tuaumasi. Gjithsesi ne 10 minutat e fundit Celltik arriti te ngushtoje diferencën pas rrjetave te Ncham dhe Grifits.
