Çfarë thotë Kina për mundësinë e dërgimit të trupave paqeruajtëse në Ukrainë

Ministria e Jashtme kineze mohoi të hënën raportet se Pekini mund të marrë pjesë në një mision të mundshëm paqeruajtës të udhëhequr nga BE-ja në Ukrainë.

“Dëshiroj të theksoj se këto raporte janë krejtësisht të pavërteta dhe pozicioni i Kinës për krizën në Ukrainë është konsistent dhe i qartë”, tha zëdhënësi i Ministrisë së Jashtme kineze Guo Qiaoqun në përgjigje të pyetjes së një gazetari.

Kina pretendon të jetë një palë neutrale në luftën e Rusisë kundër Ukrainës, por mban lidhje të ngushta ekonomike dhe politike me Moskën, duke përfshirë sigurimin e mallrave me përdorim të dyfishtë, si armaturë apo drone.

Putin u thotë “Jo” trupave nga vendet e NATO-s

Presidenti rus Vladimir Putin e ka hedhur poshtë plotësisht idenë që trupat nga vendet e NATO-s të vendosen në Ukrainë.

Misioni paqeruajtës është një iniciativë e Britanisë dhe Francës që synon bashkimin e qeverive aleate evropiane për të mbrojtur Ukrainën pas arritjes së një marrëveshjeje paqeje.

Kanadaja dhe Turqia gjithashtu mund t’i bashkohen grupit./vizionplus.tv