Rusia do të zhvillojë stërvitje taktike ushtarake dhe do të testojë gatishmërinë e forcave bërthamore për të kryer misione luftarake.
Stërvitja është urdhëruar nga presidenti Rus Vladimir Putin dhe vjen si përgjigje ndaj deklaratave të perëndimit për dërgimin e trupave në Ukrainë.
Njoftimin e bëri ministria e Brendshme në Moskë.
Arsyeja e stërvitjes janë deklaratat provokuese dhe kërcënimet kundër Rusisë nga disa zyrtarë perëndimorë. Trupat do të konfirmojnë se mund të sigurojnë integritet territorial të pakushtëzuar dhe sovranitetin e kombit”, tha ministria.
Rusia pretendon se Shtetet e Bashkuara dhe aleatët e saj evropianë po e shtyjnë botën në prag të konfrontimit midis fuqive bërthamore duke mbështetur Ukrainën me dhjetëra miliarda dollarë armë, disa prej të cilave po përdoren kundër territorit rus.
Ndërsa, autoritetet në Kiev akuzuan Rusinë për shantazh bërthamor, duke nënvizuar se kjo është një praktikë e njohur e regjimit të Putin.
Vazhdimisht presidenti rus ka paralajmëruar se cenimi i territorit nga perëndimi do të çonte në një konfrontim bërthamor të drejtpërdrejtë. /vizionplus.tv
