Ish-kryeministri Sali Berisha do të ketë një komunikim të papritur me mediat këtë të enjte.
Ai do të dalë në një konferencë me gazetarët në orën 18.00, nga ambientet e hotel “Rogner”.
Kjo do të jetë dalja e tij e parë publike, pasi Departamenti Amerikan i Shtetit e shpalli të padëshirueshëm për t’u futur në Shtetet e Bashkuara të Amerikës.
Disa orë pas vendimit, Berisha sfidoi SHBA-në, duke i kërkuar të nxjerrë prova e fakte që tregojnë se ai është i përfshirë në korrupsion e se ka përdorur postet e tij në politikë për t’u pasuruar.
