Shefi i Kabinetit të kryetarit të PD, Dorian Teliti shpjegoi shkurtimisht se çfarë përfitojnë qytetarët nga programi elektoral i PD.
Ai deklaroi se shqiptarët do të kenë më shumë para në xhep sepse do të vendoset taksë e sheshtë për rrogat dhe do të ulet çmimi i karburantit.
Një shpjegim të tillë ai e bëri përmes një pyetje-përgjigjeje me një qytetare.
“Më shumë para në xhepin tënd. Ne do të anullojmë menjëherë taksën progresive mbi pagat 13-23% dhe do të vendosim taksën e shështë prej vetëm 9%. Jona sa e ke rrogën sot?
-80,000 lekë të reja.
Sot ti paguan 6,500 lekë të reja në muaj tatim mbi pagën. Me taksën e sheshtë do të paguash vetëm 4,500 lekë të reja në muaj. Më shumë para në xhepin tënd, 2,000 lekë të reja në muaj. Po makinë ke?
-Po!
Karburanti do të kushtojë 24 lekë për litër më lirë. Gjithashtu edhe energjia elektrike do të ulet.”
