Tyga është shpërngulur jashtë shtëpisë së Kylie Jenner, çka bën të mendohet jo vetëm që çifti më i përfolur i spektaklit është ndarë, por edhe që bëhet fjalë për diçka vërtetë serioze.
Revista “Us” bën me dije se plot 10 muaj, pasi reperi 27-vjeçar u ftua që të jetonte në vilën 6 milionë dollarëshe të motrës së vogël Jenner, mblodhi gjërat e tij dhe u largua. Edhe pse kanë pasur zënka më parë, madje edhe një ndarje të shkurtër, Kylie dhe Tyga kanë qenë së bashku që nga viti 2015 dhe nuk kishin dhënë përshtypjen se gjërat po merrnin fund.
Veçanërisht gjatë muajve të fundit kur fotografoheshin në mënyrë të përditshme duke u shfaqur intimë në publik. Çfarë të ketë ndodhur vallë?
