Gazetari dhe analisti Mentor Kikia i cilësoi zgjedhjet e 11 majit një test të fortë për të gjtiha forcat politike, për të matur peshën reale, në një moment kur nuk lejohen koalicionet parazgjedhore.
I ftuar në Quo Vadis të moderatores Pranvera Borakaj në Vizion Plus, Kikia tha se në 11 maj në krahun e opozitës pesha më e madhe do i bjerë PD-së dhe dy-tre partive të reja të cilat mesa duket deri në këto momente do të garojnë më vete.
Pjesë nga biseda:
Kikia: Harta politike e 11 majit është ekzluzive në kushtte e mungesës parazgjedhore. Kemi mazhorancën të pozicionuar në dy parti në PS dhe PSD dhe vota opozitare e ndarë në 3 grupime, grupimi i PD, grupimi i Alibeajt dhe këto partitë e reja.
Borakaj: Marrin mandat ato?
Kikia: Këtu është një sfidë për të parë se cila do të jetë qasja e partive të reja. Do rezervohesha të jepja një prognozë sepse ka një pjesë të mirë të publikut i cili nuk mbështet një mandat të katërt të PS dhe as një rikthim të katërt të Berishës. Sado skeptikë mund të jemi aktorët e rinj do mbledhin vota, por pyetja që ngrihet është sa do të përkthehet në mandate. Në kampin e qeverisë ka një hinkë që shkon te PS. Në kampin opozitar kemi 4-5 hinka që do shpërndahen. Rreziku që të kemi një rezultat ku shumica e votave të jetë këtej por mandatet andej. Prandaj them që ëhstë shumë i shpërfytyruar mozaiku.
Borakaj: Prania e aleatëve në listë të sigurt e maksimalizon votën?
Kikia: Në PD janë tre parti aleate PAA, që ëhstë provuar në zgjedhjet e fundit me 45 mijë vota, është PR që më vete ka kohë që nuk provojhet por gjithsesi ka peshë.
Borakaj: Është PDK, është PL, është PBDNJ.
Kikia: Ky grupimi mund të zgjatet edhe në ca parti të tjera, se ka në KQZ ca parti që su kemi dëgjuar emrin. Unë mendoj që nga kampi opozitar përveç grupit të Berishës, pjesën tjetër do ta kenë 2-3 parti të reja.
