Shpesh secili nga ne konstaton njolla të bardha në lëkurë që shpesh mund të bëhen shqetësuese për shumë arsye. Këto janë njolla që zakonisht shfaqen në në qafë dhe në shpinë dhe mostrajtimi i tyre bën që ato të shfaqen dhe në pjesët e tjera të trupit.
Këto njolla të bardha shfaqen për shkak të sëmundjeve kërpudhore të lëkurës të cilën mjekësia e quan “tinea versicolor”. Zakonishtë këto kërpudha shfaqen gjatë verës, sepse atëherë më së shumti djersitemi dhe kalojmë kohën duke u freskuar me peshqirë të lagur.
Krahas këtyre dy shkaktarëve, ato i shkakton edhe rënia e imunitetit, rrezitja dhe lëkura e yndyrtë. Fatmirësisht, krahas kremrave të shtrenjtë dhe të fortë, këtë problem mund ta zgjidhni me ndihmën e artikujve të cilët i përdorim çdo ditë në ushqim.
Uthulla e mollës
Të njëjtën sasi të ujit dhe të uthullës së mollës e përziejmë në një enë, pastaj njomin fashën, tuferin apo një copë pëlhure të pambuktë. E kalojmë atë sipër shpinës dhe presim që të thahet tërësisht. Procedura mund të përsëritet shumë herë, derisa kërpudhat të zhduken tërësisht.
Hudhra
Ndajeni përgjysmë një thelb hudhre dhe lyeni lëkurën me të. Lëreni 20 minuta, pastaj shpëlajeni atë pjesë të lëkurës.
Kosi
Thjesht, lyeni me ndihmën e një komprese vendin e sëmurë dhe prisni të thahet. Kjo është një procedurë që mund të përdoret shumë herë.
Shafrani
Bëni nga uji dhe shafrani pastën, pastaj qiteni në lëkurë në të cilën janë shfaqur kërpudhat. Pas gjysmë ore shpëlajeni me ujë të vakët.
