Acarimi i lëkurës mund të ndodhë për gjithëfarë arsyesh, por urtikariet, nuk janë një irritim i zakonshëm ! Formimi i flluskave në sipërfaqen e lëkurës, skuqja e saj, mund të përkeqësohet nga produktet që mund të përdorni , ndaj duhet të siguroheni mirë se çfarë e shkakton acarimin para se ta kuroni! Urtikaria është një problem i zakonshëm i lëkurës, por që nuk mund të trajtohet si një skuqje e lehtë , ndaj më poshtë Living do të listojë disa metoda natyrale lehtësuese.
Nëse flluskat janë të butë, trajtimi mund të mos jetë i nevojshëm. Mund të zhduken vetë brenda një kohe të shkurtët, por për të përshpejtuar shërimin dhe lehtësuar kruarjet mos bëni dushe të nxehta, vishni rroba të lirshme dhe përpiquni të mos djersini.
Nëse e dini se çfarë e ka shkaktuar urtikarien, përpiquni ta gjeni shkakun tek ushqimet që mund të keni ngrënë, ndonjë bimë apo kafshë qe keni prekur, sepse kjo gjendje shëndetësore mund të krijohet dhe nga alergjitë e ndryshme.
Qetësoni inflamacionin.
Disa produkte mund të përkeqësojnë urtikarien. Për shembull, sapunët e ashpër, produktet higjienike me kimikate mund të përkeqësojnë simptomat. Në vend të tyre, zgjidhni produktet natyrore pa aroma sintetike dhe përbërës tjerë irritues. Bëni dushe të vakët dhe kompresa të ftohta për të qetësuar irritimet e lëkurës.
Pasta me ujë të ftohtë dhe me sodë buke mund të përdoret gjithashtu për të qetësuar urtikariet dhe për të parandaluar shfaqjen e flluskave të tjera. Përzieni pak ujë me sodë buke dhe masën e përfuar aplikojeni direkt në lëkurë.
