“CEZ”, PS kërkon peshkun e madh

Partia Socialiste akuzon Prokurorinë se ka varrosur një ndër dosjet më të rëndësishme, ku faktohej përfshirja e peshqve të mëdhenj në aferës korruptive të CEZ. Deputeti socialist Ulsi Manja, deklaroi se organi i akuzës nuk ka marrë në konsideratë asnjë gjetje e komisionit hetimor.

Sipas Manjes, Prokuroria po bën pazare dhe po shfaqet si vegël e politikës, porse reforma në drejtësi do të tregojë qartë cilët janë të korruptuarit.

Në raportin përfundimtar të Komisionit Hetimor Parlamentar, të ngritur nga maxhoranca për privatizimin e Operatorit të Shpërndarjes nga kompania çeke CEZ , thuhej se buxhetit të shtetit iu shkaktua një dëm prej 415 milionë euro nga procesi i privatizimit. Përgjegjës sipas PS kanë qenë ish-kryeministri Sali Berisha dhe ish-ministrat e qeverisë së drejtuar prej tij.