Ceremoni për viktimat e Nisës

Me vërshëllima dhe thirrjet vrasës, jep dorëheqjen, eshte shoqëruar mbërritja e kryeministrit francez Manuel Valls ne ceremoninë përkujtimore te viktimave te masakrës se Nices. Si rrallëherë, ne ceremoni te tilla homazhesh, reagimet ishin te ashpra përpara se te mbahej nje minute heshtje per jetet e humbura.
Autoritetet jane vene ne qendër te kritikave pasi dështuan te siguronin jeten e qytetareve jo vetëm nga francezet, por edhe nga lideri i opozitës se qendrës se djathte, Nicolas Sarkozy. 19 persona po luftojnë ende me vdekjen ne spital. Sipas prokurorit te Parisit, Francois Molins nga hetimet rezulton se masakra ka qene e paramenduar. Ne kompjuterin e vrasësit u zbulua se gjate kërkimeve ne internet, ai kishte shfaqur interes per lëvizjet radikale islamiste, por edhe per aksidente tragjike rrugore. Besohet se vrasësi ishte radikalizuar nga nje rekrutues algjerian pjesëtar i Shtetit Islamik, por deri tani nuk jane gjetur lidhje te tij me grupin terrorist.