Çelet sezoni turistik në Darzezë

Është çelur zyrtarisht sezoni turistik në plazhin e Derëzezës në Fier. Ndryshe nga vitet e mëparshme, këtë vit, çelja e këtij sezoni ishte konceptuar edhe me punime artistike të prodhuara me dorë. Përveç qindra qytetarëve fierak si dhe banorëve të zonës, aktivitetit i është bashkuar edhe kreu i bashkisë Fier, Armando Subashi, si dhe përfaqësues të tjerë të pushtetit lokal. Ka qënë kryebashkiaku Subashi, ai i cili preu edhe shiritin për çeljen e këtij sezoni, ndërsa në fjalën e tij për mediat theksoj se turizmi do ta gjallërojë më shumë këtë zone, ndërsa shpreson që ky plazh të jetë ndër më tërheqësit për gjithë bashkinë Fier. Banorë të zonës kanë shprehur bindjen se gjatë këtij sezoni veror, plazhi i Darëzezës do të tërheqë më shumë turistë se vitet e kaluara, kjo edhe për shkak të vetive që ai ka. Pavarësisht numrit të ulët, plazhi i Darëzezës ka tashmë edhe pushuesit e tij të parë, duke shijuar rërën kuruese si dhe ujin e detit të pastër.