Camilla flet për shëndetin e Mbretit Charles: Ai është shumë mirë

Mbretëresha Camilla tha sot se bashkëshorti i saj Mbreti Charles, i cili po trajtohet për kancer, është shumë mirë teksa përshëndeti qytetarët gjatë një vizite në Irlandën e Veriut.

Charles ka munguar në detyrat publike që nga janari pasi ai po trajtohet për një formë të papërcaktuar të kancerit, duke lënë Camilla dhe Princin e Kurorës William të jenë fytyra publike e familjes mbretërore.

Camilla bëri shaka me qytetarët në Belfast teksa i tha stafit të një furre buke se një djalë i vogël atje kishte një ‘talent të natyrshëm për kamerat’.

Jashtë një dyqani, një nxënëse i dha Camilës një kartë duke i uruar të shoqit shërim të shpejtë. Mbretëresha iu përgjigj: “Faleminderit. Ai do të jetë i kënaqur”. /vizionplus.tv