Calavera letër Totozanit

Drejtuesja e Misionit Ndërkombëtar të Monitorimit Genoveva Rusiz Calavera, në një letër drejtuar Avokatit të Popullit, thekson se çdo shqetësim mbi procesin e vlerësimit për formimin e komisioneve të vetingut, do të merret në konsideratë dhe verifikim.

Qëndrimi vjen pasi Igli Totozani, në letrën drejtuar ONM-së shprehte shqetësimin mbi ankesa të disa qytetarëve, në adresë të procesit të vlerësimit të kandidatëve për komisionet e verifikimit. Calavera gjithashtu shprehet se procesi formal i Avokatit të Popullit, do të përfshihet edhe në punën e vlerësimit të përgjithshëm të ONM-së. Në këtë letër, drejtuesja e ONM-së vlerëson punën e institucionit të avokatit të popullit në funksion të ngritjes së komisioneve të vetingut.