Gjykata e Posaçme kundër Krimit dhe Korrupsionit ka caktuar datën 27 korrik për mbajtjen e seancës për të vendosur nëse do të rihapen apo jo hetimet ndaj ish-ministrit të Mbrojtjes, Fatmir Mediu.
Gjyqtar i çështjes do të jetë Erjon Çela.
Gjykata e Lartë shpalli moskompetencë për rihapjen e çështjes ndaj Mediut dhe vendosi t’ia dërgojë aktet e kësaj çështjeje GJKKO-së.
Ishte SPAK që kërkoi rigjykimin e Fatmir Mediut, pasi e akuzon si një nga ish zyrtarët përgjegjës për tragjedinë e Gërdecit, me 26 të vrarë dhe qindra të plagosur me argumentin se ai nuk ka imunitet dhe mund të përballet me drejtësinë.
