Ministri në Detyrë për Evropën dhe Punët e Jashtme Gent Cakaj, ka marë pjesë në ministerialin e Këshillit të Evropës në Helsinki të Finlandës.
Në fjalën e mbajtur Cakaj tha se duhen gjetur mënyra për të forcuar Këshillin e Evropës me qëllim përmirësimin më tej të punës së organizatës.
“Shqipëria mbështet misionin dhe përpjekjet e Këshillit dhe kjo mbështetje, si politike dhe financiare, duhet të vijë nga të gjitha shtetet”
Pasi uroi Finlandën për punën e bërë gjatë presidencës së KiE në gjysmën e parë të këtij viti, kryediplomati shqiptar shprehu vlerësim edhe për politikat e Këshillit të Evropës në rajonin e Ballkanit.
Cakaj theksoi se kjo organizatë do të jetë edhe më e suksesshme në rajonin e Ballkanit nëse edhe Kosova behët pjesë e saj.
Sipas Cakajt, anëtarësimi i Kosovës në KiE do të ishte në interes si të vetë Kosovës, ashtu dhe të organizatës.
Në përfundim të Ministerialit, ministrat miratuan një Deklaratë dhe një sërë vendimesh që synojnë konsolidimin e organizatës dhe ruajtjen e karakterit gjithë-Evropian të saj.
