Cakaj: Mbledhje ndërqeveritare me Maqedoninë e Veriut, intesifikojmë marrëdhëniet

Qeveria shqiptare dhe ajo e Maqedonisë së Veriut do të zhvillojnë një mbledhje ndërqeveritare mes kabineteve të ministrave gjatë këtij viti.

Mbledhja është njoftuar nga vetë ministri i Jashtëm në detyrë, Gent Cakaj, gjatë konferencës së mbajtur me homologun e tij maqedonas këtë të mërkurë në Shkup.

“Kemi diskutuar për domosdoshmërinë e thellimit e marrëdhënieve bilateriale, po ashtu nevojës për të zhvilluar mbledhjen ndërqeveritare këtë vit”

Por krahas mbledhjes ndërqeveritare, Cakaj u pyet nga gazetarët edhe në lidhje me çështejn e kufijve të Kosovës.

Cakaj tha se kjo është një pyetje që nuk I takon atij, ndërsa theksoi që Shqipëria do të mbështesë pozicionin e Kosovës në këtë process.

“Është një pyetje që duhet t’ia drejtoni institucioneve të Kosovës. Shqipërisë i takon ta mbështetë pozicionin e Kosovës në këtë proces.”