Ministri i Jashtëm në detyrë, Gent Cakaj raportoi këtë të premte në Komisionin e Integrimit Evropian për punën e bërë gjatë një viti.
Cakaj u shpreh se pavarësisht pandemisë, çelja e negociatave ka qenë në fokus. Sipas tij, me marrjen e vendimit pozitiv, për Shqipërinë do të shtohen detyrat e reja.
“Pavarësisht pandemisë COVID-19, puna e Shqipërisë për ngritjen e grupit negociator, përgatitjet teknike për zhvillimin e bisedimeve për anëtarësim në BE dhe përmbushjen e të gjitha detyrimeve që janë përcaktuar nga përfundimet e Këshillit, ka vazhduar pandërprerë. Fillimi i negociatave është kurorëzim i reformave madhore, që ka bërë Shqipëria në pesë prioritetet kyçe por, natyrisht, edhe hapje e detyrave të reja që kërkojnë punën e pakursyer të gjithsecilit e bashkëpunimin e të gjithëve.”
