Ministri në detyrë Gent Cakaj vlerësoi maksimalisht takimin dypalësh mes kryeministrit Rama dhe kancelares Merkel pak caste para fillimit të Samitit të Berlinit.
Cakaj shprehu në rrjetet sociale impresionet e tij në lidhje me këtë takim ku ai shoqëronte kreun e qeverisë bashkë me Elisa Spiropalin.
Kryediplomati shqiptar shkruan se Merkel konfirmoi mbështetjen absolute të Gjermanisë për hapjen e negociateve për anëtaresimin e Shqiperisë në BE.
Ai shton mes të tjerash se Berlini zyrtar vlereson progresin në 5 prioritetet kyçe por në mënyrë të vecante punën e bërë për reformen ne drejtësi.
Takimi me Kancelaren Angela Merkel konfirmoi edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE. Progresi i madh i Shqipërisë në 5 prioritetet kyçe, me theks të veçantë në reformën në drejtësi, merr vlerësimin më të lartë nga Gjermania. Shqipëria do të vazhdon të luaj rolin e saj të pazëvendësueshëm në stabilitetin rajonal dhe afirmimin e vlerave evropiane në Ballkanin Perendimor! Shumë mirënjohës për përkushtimin e Kancelares Merkel ndaj Shqipërisë!
