Deputeti demokrat Oerd Bylykbashi ngre dyshime se mangësitë në përbërjen e Gjykatës Kushtetuese lidhen direkt me marrëveshjen Shqipëri-Greqi për kufirin detar. Në një reagim në facebook, Bylykbashi shkruan: “Rama i ka shitur territorin e Shqipërisë grekeve! Tregtari i kufijve ka bërë marrëveshje në fshehtësi dhe në shkelje të kushtetutës. Askush nuk di çfarë interesi tjetër kombëtar ka tregtuar për pushtetin e tij”. Për ligjvënësin opozitar, kushtetuesja është në kolaps dhe nuk merr dot vendime, pasi nga 9 anëtarë, vetëm 5 janë në detyrë me mandat të plotë. Për Bylykbashin plotësimin e vendeve bosh e bllokon kryeministri Rama. “A mos vallë Rama e bllokon Gjykatën Kushtetuese që në këtë rrëmujë të drejtësisë të bëjë fakt të kryer shitjen e detit dhe gjykata të mos e anulojë marrëveshjen?‎”, ngre pyetjen deputeti i PD. Për të shtuar se sa herë kryeministri bën ndonjë zullum, e quan reformë. “Shihni kur ta quaje këtë reforma e detit. Kësaj radhe ata që do duartrokasin do të jenë në Athinë”, përfundon reagimin e tij Oerd Bylykbashi.

Leave a Reply

Your email address will not be published. Required fields are marked *