Ish-deputeti i PD, Oerd Bylykbashi deklaroi se opozita do të marrë vendim për çështjen e kryebashkiakut të Vorës, Agim Kajmaku dhe atë të Shkodrës vetëm pasi të shprehet presidenti Ilir Meta.
I ftuar në studion e Kapital, në Vizion Plus, Bylykbashi akuzoi qeverinë se ka uzurpuar pushtetin vendor.
“Opozita do e shpreh qëndrimin e saj pas dekretit të Presidentit. Leren I presidentin të shprehet. Pastaj opozita do të marrë vendim. Nuk kemi një pushtet të zgjedhur por të uzurpuar. Shikoni ODIHR që e thotë qartë që ditën e zgjedhjeve duhet të ketë gjykata për të vendosur ligjshmërinë. Por qeveria nuk e mori parasysh interesin e zgjedhësve. Dekreti Presidentit nuk injorohet por bllokohet nga KQZ.”
Ai tha gjithashtu se zgjidhja e ngërçit politik është vetëm ajo e mbajtjes së dy palë zgjedhjeve në të njëjtën ditë.
