Qyteti antik i Bylisit ka mirëpritur sot mijëra nxënës të shkollave të rrethit Mallakastër në ditën olimpike. Aktiviteti u organizua nga Drejtoria Arsimore Rajoni Mallakastër në Bashkëpunim me Komitetin Olimpik shqiptar dhe Bashkinë Mallakastër Flaka olimpike erdhi nga rrënojat e qytetit mijëravjeçar nëpërmjet një kalorësi të veshur me kostum tradicional të zonës. Ndërsa më pas ajo ndezi dhe pishtarin e fillimit të lojërave nga dora e ish sportistit të shquar Ballshit Migjen Skenderaj Pas kësaj nisi dhe parakalimi i gjithë pjesëmarrësve në aktivitet. Kreu i bashkisë Agron Kapllanaj e cilësoi këtë ditë si mjaft të veçantë jo vetëm për gjallërimin e qytetit antik të Bylisit por edhe për natyrën e ditës olimpike. Ndërsa drejtuesi i zyrës arsimore Mallakastër Gentian Dervishaj falënderoi pjesëmarrësit dhe kolektivat shkollorë për organizimin për herë të parë të ditës olimpike në këtë bashki e në parkun kombëtar të Bylisit. Pjesëmarrësit veshur me kostume popullore e kombëtare zhvilluan për më shumë se dy orë veprimtari të ndryshme sportive dhe argëtuese.
Bylis, aktivitete për ditën olimpike
