Luciano Spalleti më në fund mund të buzeqesh. Trajneri I Interit vetëm pak ditë më parë kishte shprehur pakënaqësi në lidhje me fushatën e blerjeve në merkato.
Por orët e fundit, duket se kërkesat e tij kanë rënë në veshët e duhura pasi zikaltrit janë afër zyrtarizimit të marreveshje me Atleticon e Madridit dhe Bayern Mynih për të blere Simo Vrsaljko dhe Arturo Vidal.
Për mbrojtësin kroat është gjetur gjuha e përbashket me klubin spanjoll dhe vetë lojtarin ndërsa për kilienin Vidal ka ende edhe pak punë.
Ai pritet të mbërrijë tek zikaltrit në huazim por me detyrim blerjen e kartonit vitin e ardhshëm.
Tani mbetet vetëm të përcaktohet sa do të jetë shumë totale që do të shkojnë në arkat e skuadrës gjermane në fund të operacionit, 20 milion euro sa pretendon Inter apo 30 milion euro sa shpreson të marrë Bayern.
