E kemi fjalën për buzë si ato të Angelina Jolie dhe Priyanka Chopra, të cilat duken shumë seksi dhe të themi të drejtën, na ngjallin pak zili. Buzët e plota dhe mishtore nuk ka pse të jenë diçka që ka kosto dhe dhimbje, pasi ekzistojnë përbërës si kanella të cilët e grarantojnë këtë efekt për mrekulli. Vaji cassia i gjendur tek kanella, nuk e dëmton lëkurën, por shkakton një fryrje të membranës së mukusit të buzëve tuaja.

Ja disa receta që mund të provoni:

Kanellë + vazelinë

Vazelina ndihmon t’i mbani buzët të hidratuara, kurse kanella i bën të duken mishtore. Për të përgatitur këtë recetë, merrni gjysmë lugë caji vazelinë dhe një lugë çaji kanellë pluhur ose vaj. Përzieni të dy përbërësit dhe masazhojini në buzët tuaja. Lërini për disa minuta. Më pas fshijeni përzierjen dhe aplikoni balsam buzësh.

Kanellë + vaj ulliri + kripë

Ky trajtim në formë skrabi heq qelizat e vdekura nga buzët tuajandërsa kanella i bën buzët të duken mishtore. Ju duhet një lugë çaji kripë, një lugë gjelle vaj ulliri dhe një lugë çaji kanellë pluhur. Përzieni mirë kanellën dhe vajin para se të shtoni kripën. Më pas aplikojeni përbërjen tek buzët dhe masazhojini ato për disa minuta. Shpëlajeni përzierjen dhe thajini buzët butësisht. Mos harroni të aplikoni lip balm.

Kanellë + shkëlqyes buzësh

Në këtë recetë ju duhen dy përbërës: shkëlqyesi i preferuar i buzëve dhe 2-3 pika vaj kanelle. Shtoni vajin e kanellës tek shkëlqyesi i buzëve dhe mund ta përdorni në çdo kohë.

Kanellë + sodë buke

Një tjetër eksfoliues për buzët është përzierja e kanellës me sodën. Ju duhet një lugë gjelle vaj kokosi ose vaj ulliri, kanellë pluhur dhe gjysmë luge çaji sodë buke. Përziejini përbërësit në një tas të vogël derisa të homogjenizohen. Aplikojeni përzierjen tek buzët dhe bëjini skrab për disa minuta. Më pas pastroni buzët. Prëveçse heq qelizat e vdekura, kjo përzierje, i bën buzët të mëdha dhe mishtore.

Kanellë + mente

Kombinimi i kanellës me menten është një nga përzierjet më të mira për buzë të mëdha e të bukura. Bashkoni disa pika vaj menteje dhe gjysmë lugë çaji kanellë pluhur. Kombinoni të dy përbërësit dhe aplikojeni masën në buzë. Masazhojini për disa minuta dhe më pas fshijeni atë. Aplikoni balsam buzësh në fakt./ LIVING

Leave a Reply

Your email address will not be published. Required fields are marked *