Investimet në infrastrukturë si dhe rritja e sigurisë rrugorë edhe për vitin 2024 do të vijojnë të jenë në fokusin kryesorë të shpenzimeve të ministrisë përgjegjëse.
Belinda Balluku ministrja e Infrastrukturës duke raportuar në komision, evidentoi politikat e reja të dikasterit që ajo drejton.
“Politikat e reja prioritare të ministrisë janë: Qendra e monitorimit të trafikut, faza e dytë, zgjerimi i superstradës tiranë Durrës faza 1 dhe 2. Përmirësimi i sinjalistikës rrugore kombëtare si dhe punimet në rrugët dytësore Bypass Plepa-Kavajë –Rogozhinë”, tha Belinda Balluku
Sa i takon projekteve në proces, në vitin e ardhshëm do të vijojë financimi për Unazën e Madhe të Tiranës, zgjerimi i rrugës Elbasan-Qaf -Thanë etj. Por vitin që vjen do të hapet dhe gara për portin e ri të Durrësit në Porto Romano
Ministrja njoftoi se në muajin e ardhshëm do të hapet sërish thirrja për të gjithë ata qytetarë që duan të instalojnë panele fotovotlatike me bashkëfinancim nga qeveria në masën 70%. Do të pranohen 2000 abonentë familjarë.
