Kuvendi Komunal i Ulqinit, pas një pune maratone dy ditore ka miratuar propozimin për të vendosur në bustin e heroit kombëtar shqiptar Gjergj Kastriot Skënderbeut në qendër të këtij qyteti.
Ky vendim u miratua të martën pasdite, ku para këshilltarëve kaluan për diskutim 19 pika të rendit të ditës.
Kryetari i Kuvendit Komunal, Ilir Çapuni, e vlerësoi pozitivisht punën e Kuvendit duke theksuar se shumë lëndë të cilat i ka mbuluar pluhuri janë nxjerrë nga sirtarët dhe janë votuar në Kuvend.
